Tid for karneval

Februar og mars er typisk karnevalstid for dei fleste barnehagar, og kanskje enkelte skular også?
Eg for min del er ikkje så glad i alle desse kommersielle prinsessene og spiderman'ane som spring rundt, og synest det er myyykje flottare med heimelaga kostymer!



Min vesle blomst <3

Enkelt kostyme med kronbladkrage

teikna og sydd for frihand.

Blada er festa til ei brei skolisse,

og er festa som ei smekke bak i nakken...

Mitt vesle blåbær <3

Bladkragen er laga på samme måte som kragen over.

Pute på magen og pute på ryggen,

festa med borrelås-reimer i sidene og over skuldrane...

og sist, men ikkje minst:

Den skumle dragen!!!

Utgongspunktet var ein grøn, einsfarga genser

og matchande strømpebukse.

Ryggdekor laga enkeltvis for frihand og sydd på halestoffet med maskin..

Hale/ryggstoffet er frå eit grønt fleeceteppe,

og er sydd på genserryggen med maskin.

Halen er vattert, for at den skal ligge fint etter golvet.

Vinger av samme stoff som ryggdekoren,

og sydd på for hand..

Dragehovudet er ein einsfarga grøn cap,

med kvite fleecetenner og auger sydd på for hand.

Antenner av av tjukt, grønt tau,

sydd fast på toppen for hand..

Lykke til med karnevalsforberedingane,

og kos deg med karnevalsfesten! :D

Fra midt i advent til midt i januar

Ja, slik er det når ein er student med intense eksamensperiodar med påfølgande Total ferie... Bloggen her vart rett og slett nedprioritert i første omgong og sidan kobla heilt ut i ferien. Adventskalenderen vart ikkje kobla ut, då hadde det med rette blitt familiekrangel leia av våre to yngste familiemedlemmer - naturlegvis :)

I alle fall: Godt Nytt År litt sånn på etterskudd ;)

8., 9. og 10. desember

Med eksamenar på tapetet er det ikkje like mykje tid til å få oppdatert bloggen, kjenner eg.. 

Men det kjem... pø om pø... ;)

8. desember var det akedag som stod på dagsagendaen i følge adventskalenderen, og akedag blei det! Pappa, gutungen og vårt vesle dunder tok med seg skiver med nugatti, kvart sitt rumpeakebrett og snowracer'en ut. Det er godt med litt ekstra energi-mat når ein skal vere ute i kulda og leike, så nugatti-skiver kom godt med og vart forøvrig godt motteke av begge dei små :) 

I går, 9. desember, var det ein mindre aktiviserande, men like koseleg allikevel, adventsaktivitet. Då var det nemmelig bestemt at det skulle vere vaflar til kvelds. Og denslags er ikkje kvardagskost til eitt av dagens hovudmåltid, så det var hæla i taket og beina bordet-stemning på kjøkkenet! No vart det vel og merke ikkje vaflar, men lappar fordi klokka var blitt mykje før vi kom til kveldsen. Og lappar smakar like godt, om ikkje bedre, og dessutan går det raskare å steike dei ;) Litt slinger i valsen må det vere rom for! :)

Og så er det dagen i dag, den 10. desember. Utan å vite kva dag det kom, så har gutungen venta på nettopp denne dagen sidan før 1. desember. Han har gledd seg tullerusk til å gå i peparkakebyen, og i dag låg det endeleg ein lappe med bilde av eit peparkakehus i kalenderen! "JIPPI! I dag skal vi i peparkakebyen!!!" ;)

6. desember og strålande utelys

Dagens luke i adventskalenderen fortalde oss at vi skulle pakke inn gåve til å legge under Frelsesarmeen sitt juletre i byn. Ein fin tradisjon vi har fått synest eg - det er jo dette som er jul; Å glede andre! Og spesielt er det kjekt å kunne glede andre som ikkje har det like godt materielt sett som oss sjølve. Eg håper alle andre som har mogelegheit til å avsjå fint brukte leikar eller klede, eller eventuelt - som vi har gjort (ettersom vi jevnleg på grunn av plassmangel renskar opp i leikekassar og klesskap, og dermed kun har i hus det vi faktisk treng sjølve); Kjøpe ei ny gåve som kan pakkast inn og leggast under treet :) Éi ekstra gåve til eit born betyr ikkje all verdens for vår økonomi, men samstundes kan den glede eit born stort på julafta når gåva vert pakka opp :) Det er ikkje mykje som skal til ;)

Luka i morgon (7. desember) går ut på å få lagt pakken under juletreet i byn ;)

I dag sette vi forresten ut islyktene som vi laga på søndag. Sjå kor fint dei pynta opp ute i verandakassene våre:

5. desember og 2. søndag i advent

Dagens luke i adventskalenderen "inviterte" til islyktverkstad, så vi gjekk straks i gong med å finne fram utstyr; Kjøkkenbollar i ulike former og størrelsar, like mange småbeger som skal sørge for holrom i lyktene til å ha telys i, vatn og konditorfarge samt rydda plass oppi frysaren så alle bollane kunne stå vassrett :)

Vi la plastposar på kjøkkenbordet ettersom eg har rota vekk voksduken til hobbyaktivitetar, og så fekk ungane blande farga vatn ved hjelp av konditorfargar. Vi helte vatnet med ulike fargar i kvar sin bolle, putta oppi småbeger med litt vatn oppi så dei ikkje berre flaut heilt på overflata, men litt nedi vatnet på ein måte (fysj, kor dårleg eg er til å forklare dette :S) og såååå... var det tid for opprydding og plassering av bollane med vatn i frysaren. Vi må nok vente nokre dagar før vi får sette lyktene ut i minusgrader - dei må jo botnfryse fyrst ;)

Og dei fyrste minuttane av ventetida nytta vi til å nyte kvar sin heimelaga cola-is, som vi har frose av brus som hadde mista kolsyra og likevel ikkje var god å drikke lengre :) Finfin premie etter å ha vore med å lage ISlykter :D   

3. og 4. desember

3. desember skulle vi lage/skrive julekort, men dagen blei fylt opp med andre aktiviteter, så snuppeliten valgte å ta det igjen morgonen den 4., mens guttungen då heller ville holde på med sjølvvalde aktivitetar. Greit det, ein kan ikkje tvinge på dei kalenderaktivitetar heller ;)

***

4. desember skreiv vi ynskjeliste til julenissen. Det vil seie, ettersom ingen av dei to er skrivekyndige enda, så fekk dei kvart sitt leikemagasin til å krysse ut det dei ynskjer seg i. Denne aktiviteten var meir nøysommeleg enn eg hadde planlagt, eg hadde nemmeleg tenkt å skrive ned ynskjelista på eit brevark etterpå, så vi kunne sende denne til julenissen. Men dei er berre så vidt halvvegs gjennom katalogane, for kvar ei side må scannast nøye, og likeså må kvar einaste katalogvare vurderast nøye :S ;D Hehe :)

"Men, er ikkje du litt lita til ei klistremerkemaskin?" spurde eg toåringen min, som skribla iherdig i ruta der det skulle settast kryss om ein ynsker seg gjenstanden ved sidan av. "Nei, faktisk så ønsker eg meg sånn, faktisk. Eg gjør det!" svarde ho på sin halvvaksne måte, inspirert av storebroren, men utan r'ane... Vel, ein kan ikkje legge inn vaksensensur når ynskjelista skal utarbeidast av den einskilde håpefulle, men eg er allikevel glad at eg har påverknad i høve innkjøpa til Julenissen ;P :D




Ha ei fortsatt fin adventstid :)

2. desember

Dagens adventsaktivitet var puslespill-pusling saman :)

Enkelt, men like fullt ein koseleg fellesaktivitet! ...vi begynte med ei telle-puslespel (så fekk vi inn litt øving på éin til éin korrespondanse også), men så utvikla aktiviteten seg og det vart spelekveld heilt fram til borneTV på NRKSuper :) Giraffo er eit morosamt og enkelt spel frå Selecta, som vi absolutt kan anbefale i lag med mange andre av spela frå Selecta som vi også har i hylla vår... :)



Adventsklem frå oss