Små kunstnarar

No er eg kanskje over middels opptatt av å gi ungane kunstopplevingar, og ikkje mindre er eg påverka av at ungane går i ein kunstbarnehage kor dei set fokus på nettopp kunst. Born heilt ned i dei minste aldersgruppene kan ha glede og utbytte av augneblinksopplevingar i møte med kunsten og det estetiske generelt. Ikkje mindre har born glede av å få utfolde seg kreativt med til dømes maling.

I barnehagen til mine to små har dei blant anna tatt føre seg eit bilete av Jackson Pollock; "Silver over black" 

Jackson Pollock sine bileter er utarbeidd på ein måte som er relativt enkel for barnlege amatør-kunstnarar å etterligne. Pollock kasta, helte og drypte maling på STORE lerret. Stort lerret og ikkje minst grove motoriske rørsler er midt i blinken for små kunstnarspirer å arbeide med, og ikkje minst meistre!

Vidare gjorde Pollock ting som å gå og sykle over lerreta med våt maling, noko som ikkje mindre vil vere kjekt for dei små. Sommaren, med tørt ver (for dei som er så heldige å ha det..) er ypperleg for denne typen kreativ aktivitet. Legg lerretet, bokpappen eller det som skal malast på ut på graset, og gje ungane ein og ein farge til å male med.

Det er kjekt og ikkje minst vert resultatet sprekt når ein bruker mange ulike, friske fargar. Men får ungane alle fargane ned på lerrete i ein eingong, så er det lett for at alt sammen blir meir eller mindre brunfarga. La difor gjerne dei ulike fargane få tørke litt mellom "slaga" med maling. Utholdenheita er ikkje nødvendigvis alltid like god i lang tid av gangen, og sånn sett er det uansett ikkje feil med lunsj eller kosepauser med oppkutta frukt, kjeks eller saft i sola.

Har ein ikkje mogelegheit til å vere ute kan ein bruke ein stor, gammal voksduk til å dekke golvet med som underlag til lerretet.

Lykke til, anten de skal halde på med kunstproduksjon ute eller inne :)

Personleg gåve

No er det tid for mange barnehageborn å slutte i barnehagen for å bli skuleborn til hausten.. eller kanskje er det nokon som berre rett og slett skal bytte barnehage? Eg veit at det er fleire som pleier å gje litt ekstra merksemd til dei ansatte, enten det kun er til den som har vore primærkontakt, alle dei ansatte på avdelinga eller til alle ansatte i heile barnehagen. Alt etter kor stor barnehagen er og kor mange det er snakk om... Vi har ingen skulegut i år, men for eit par år sidan bytta han avdeling frå "småborn" til "stor" avdeling, og då hadde vi lyst å sei takk for oss til dei ansatte på småbornsavdelinga. Mange kjøper gjerne ein blomst eller slikt, og det er veldig koseleg, men vi ville lage ei meir personleg gåve til kvar og ein frå guten vår. Det var enkelt, guten syntes sjølv det var veldig kjekt og det kostar ikkje skjorta.

Du treng:
* Porselensmaling som kan herdast i bakarovn (dette er å få kjøpt hos Panduro)
* Krus (Helst porselen. Andre koppar går, men då held ikkje malinga på like godt er mi erfaring)
* Pensel
* Bakarovn

Evt også underlag (f.eks ein gammal voksduk) til å beskytte bordet når poden malar.


Så gjer du følgande:

* Vask koppen med noko feittløysande. Bruk gjerne hanskar når du gjer dette, så kjem det ikkje fett frå fingrane på etter at koppane er vaska.
* Når koppen er tørr kan kunstnaren slå seg laus med å male. Vi malte også handa til kunstnaren og hjalp han å trykke handa mot eine sida av koppen. Små handavtrykk frå born er sjarmerande + at det gjer gåva meir personleg. Så malte vi namnet til den einskilde av dei ansatte på hanken (alle på avdelinga fekk kvar sin kopp), og skreiv namnet til guttungen og det aktuelle årstalet på undersida av koppen.
* Ha koppen inn i bakaromnen på 150 C i 30min for herding.

Og voila, så har du personlege gåver som dei ansatte kan nyte i laaang tid på pauserommet eller heime :) Kjapt, enkelt og koselig! Og kven har vel ikkje bruk for ein ekstra, eigen kopp til å drikke kaffi frå i lunsjen?

Når vi først var i gong blei det laga koppar til besteforeldre og til mamma og pappa også - dei var jo så fine!
Dette er våre absolutte yndlingskoppar: