Hipp hurra for bursdagsbarnet!

Her i heimen har vi sørga for å få bursdagsfeiringane på rad og rekke (i den grad to kan danne rekke vel og merke). Men i alle fall, med bursdagar som kjem tett så kan det fort bli nesten like gale som det er godt, når det gjeld å skulle arrangere festane. For det er vel ikkje til å stikke under ein stol, at det er en del styr med herlegheitane? Vel, det gjeld å gjere mykje ut av lite, og å ta ungane med på forberedelsane. Gjere forberedelsane til ein hyggeleg familieaktivitet, i alle fall det som dei kan vere med på og har glede av å delta på.

Baking er noko mangen ungar er glad i, så kvifor skal mamma (eller pappa kanskje?) stå aleine med jobben. Entusiasmen hos mine er i grunn vekslande, men så får dei vere med på det dei likar så lenge dei synest det er kjekt. Kjekkare enn å trille bollar er det å lage små figurar til å pynte kaka med. 5åringen vil ha monsterkake, og dermed får han hjelpe til å lage småmonster som sjokoladekaka skal pyntast med. På førhand har eg laga og farga sukkerpasta, slik at han kan gå rett i gong med utforminga.

Veldig enkle monster, som skal pyntast rett før montering på kaka ved hjelp av ein liten pensel og litt konditorfarge 

Roser, blad og tal blant andre figurar som fekk pynte opp bursdagskaka til vår 2årige prinsesse på bursdagen..

Figurane kan lagrast (tørt) i kakeboks i opptil 3 månader etter kva eg har lest (har inga erfaring med langtidslagring sjølv), så dette kan ein gjere i god tid i føreveien. Massen kan ellers også lagast før ein skal utforme figurar av den, berre ein pakkar den tett i plastfolie, så den ikkje tørkar ut før den skal brukast. Merk: massen tørkar relativt raskt, så ikkje gå i frå utan å pakke den inn ;)

Oppskrift:

625gr melis

100gr potetmjøl

2 eggekviter

3,5 plate gelatin

Smak (dråper av essens)

Farge (konditorfarge)

Bløyt gelatin i vatn til geleaktig, hell ut vatnet og smelt gelatinen i ein kjele på svak varme.

Bland gelatinen (lett nedkjølt) med eggekvitene, og hell dette over og rør saman med sikta melis og potetmjøl. Tilset smak og farge etter ynskje.

Vaniljeessens brukte vi som smak, og det vart ikkje så verst :)

Krone er også kjekt å lage til bursdagsbornet. Spesielt synest mi 2årige, sjølvutnemnde prinsesse at krone er stas. Og likeså synest eg det er kjekt å lage. Eg kjøpte farga kartong i størrelse A2 hos bokhandlar i mangel på andre stader å handle tilsvarande, så kartongen vart gjerne noko dyrare enn den trengde å vere. Anna papir, klistremerker, alfabet og band til å pynte krona med kjøpte eg hos EuroPris og Nille. Målte omkretsen på hovudet til snuppa før eg satte i gong med å klyppe ut krona, så den skulle passe perfekt. Visst du vil at krona skal gå skrå utover mot toppen, som eit pappbeger til samanlikning, så klipper du den ut i ein bue i staden for å la øvre og nedre kant på krona vere beint vassrett. Eg limte på lilla innpakkingspapir på innsida av krona, slik at krona er lilla på innsida, og har ein kvit kant som stikk utforbi den rosa kanten på utsida. "Perlene" på kronespissane er laga med å klistre to tredimensjonale hjerteklistremerker mot kvarandre heilt på tuppen av spissane, slik at dei kleber mot såvel kvarandre som mot pappen.

Når eg hadde laga krona med rette spissar på toppen, sat eg forøvrigogså igjen med X antal langbeinte trekantar som eg altså hadde klipt ut av pappen. (Huff, eg treng meir trening i å forklare meg :oS).
Desse trekanta restebitane brukte eg til å lage ei vimpelrekke som matcha krona til bursdagsbornet. Eg bretta heilt enkelt kortsida på trekantane ein liten centimeter ned, for å lage ein løpekant til snora som vimpelrekka skulle henge på. Til slutt bretta og teipa eg papirvimplane rundt og "fast" til snora. Enkelt og greitt, og ikkje minst kjekt med matchande pynt :)  

Eit ferdigpynta festbord før smågjestene kjem. Krona pryder bordet før den skal pryde bursdagsjenta :)

God lunsj!

Fanga i ei rutine er det vanskeleg å variere matboksen til ungane nok. Det er alt for lett å kleise på det samme klebrige pålegget som held skivene samla, dag ut og dag inn. Leverpostei, kaviar og smøreost har vore gjengongarar heime hos oss, variert med kvitost eller kokt skinke for å pirre appetiten til dei små håpefulle.

Vel et dei når dei er svoltne, men eg kan ikkje tenkje meg at jubelen står i taket i bornehagen når loket på matboksen går av.. Eg som etter borndommens traumer ikkje likar noko som har lagt i boks (eller matpakkepapir eller brødpose for den del), hadde i alle fall ikkje jubla..

(Bildet er lånt fra http://www.dinmat.bt.no/)

Lenge har eg tenkt på det, uten at nokon av ungane har klaga (dei har heldigvis arva pappa'en sine rutine-prega-matvanar) sjølv om det tidvis har vore nødvendig med lupe for å kunne konstatere at det har vore gjort innhogg. I dag var det tid for å ta grep! (Litt av bakgrunnen er at lisjegut har vore heime og "kjeda seg" ei heil veke etter operasjonen, og baking er jo ein kjekk aktivitet å halde på med :)

Så i ettermiddag har vi laga Sunne Muffins  og ikkje berre er dei sunne, dei er Skikkelig Gode også!

Sist men ikkje minst - dei passar perfekt som suplement til eller variasjon frå det vanlige matpakkeinnhaldet.

Vi laga ein porsjon med bærmuffins og  ein porsjon med ost- og grønnsaksmuffins:

Here goes:

Bærmuffins (2 brett m/små former):

Bland det tørre;

120g havregryn
240g kveitemjøl
3 ts bakepulver
2 klyper salt
2ts vaniljesukker

rør forsiktig inn bæra så dei held seg heile og fine
+ eventuelt krydder

..vi kombinerte blåbær med kanel, og multe med hakka, frisk mynte :)

Lag eggedosis;

100g sukker
4 egg

Bland alt det våte og rør det så forsiktig inn i det tørre;

eggedosis
5dl naturell yoghurt (gjerne lett-variant!)
4 ss nøytral olje (solsikke eller raps til dømes)


Ha røra i muffinsformer så dei er 2/3 fulle (vi brukte små former),
og la dei stå midtplassert i forvarma omn ved 175grader (over/undervarme) i 25 min.

Framgongsmåten til ost- og grønnsaksmuffins er den same, men ingrediensane er noko annleis (eitt og eit halvt brett m/små former):

Tørt:

220g kveitemjøl
50g havregryn
2ss sammalt rugmjøl
1ts salt

Vått:

2 egg (pisk luftig for seg sjølv)
150g naturell yoghurt (gjerne lett-varianten)
2dl mjølk (gjerne skumma)
6ss olivenolje (hugs at denne gjev meir smak enn anna olje)

Fyll:

Ca 4dl finhakka grønnsaker og ost av det du har i kjøleskapet ;)
Vi brukte purrelauk, graslauk, raudlauk, paprika og vanleg kvitost (lettere).
+ eventuelt krydder (pizzakrydder brukte vi ;)

Bon apetit! ;)